2024 жылдың 1-10 сәуірі аралығында білім бөлімінің жұмыс жоспарына сәйкес мектептерде «Дұрыс тамақтану - денсаулық кепілі» тақырыбында онкүндік өткізілуде. Жоспар негізінде ұйымдастырылған іс - шарада дұрыс тамақтанудың жолдары насихатталып, зиянды тағамдардың адам ағзасына кері әсері жөнінде білім алушылар мен ата-аналарға түсіндіру жұмыстары жүргізілуде. Дұрыс тамақтанудың маңыздылығы жөнінде білім алушылардың түсінігін қалыптастыруда диктант, сауалнамалар алынып, мектеп медбикелері мен психологтардың қатысуымен ата - аналарға арналған кеңес сабақтары, қазіргі таңда қоғамдағы өзекті мәселеге айналған артық дене салмағының туындауы жөнінде бейнероликтер көрсету жүзеге асуда. Алдағы уақытта жоспар бойынша барлық жұмыстар жүйелі түрде атқарылады.